FERÐAKLÚBBUR TRÉRENNISMIÐA kynnir sumarferð 2026.
Hittumst á tjaldsvæðinu Stykkishólmi þann 6. júlí n.k.
Jón Aðalsteinsson, félagi okkar, tekur á móti okkur.
Stefnum á bátsferð með dorgi.
Gistum 1-2 nætur, fer eftir veðri.

"Höfum gaman saman" er einkunnarorð ferðaklúbbsins.
Þátttökuskráning:
Antonía S 691-3201
Karl Helgi  897-2280

Þar sem fundir eru komnir í sumarfrí datt mér í hug að prófa eina áskorun með breyttu sniði.
Nú skora ég á félaga að renna handfang í apríl og/eða maí og senda mér ljósmynd/ir.

Handfangið má vera fyrir hvað sem er og fjöldi renndra handfanga er frjáls.
Nú er ekki krafa um að mæta með áskorunargripi á fund og því ætti búseta félaga ekki að hafa nein áhrif.

Tekið er við myndum til og með 31. maí n.k.
Skemmtilegt væri að fá líka mynd/ir af gerð handafanganna ef hægt er.
Nánari upplýsingar hér á myndinni fyrir neðan:

Smelltu hér til að sjá upptöku frá marsfundinum. - fundur byrjar á 11:38

Eric sýndi okkur hvernig hann rennir skál úr flatri spýtu, með því að renna hringi sem má stafla og líma saman. Mjög áhugavert og vert að prófa. Eric var að sýna tæknina við að renna hringina sjálfa en hann mun svo líma þetta saman heima og sýnir okkur svo mynd af skálinni þegar hún er klár.
Hann ákvað að sýna okkur karbít-rennijárn til að vinna efnið niður en sú gerð er orðin ansi vinsæl í Bandaríkjunum. Eric lenti í smá vandræðum með bútjárnin en það reyndist vera of mikið bil milli hvílijárns og spýtunnar, að mestu leyti vegna kubba sem hann sýndi til að halda bútjárninu beinu og í réttri gráðu.
Á vinnustofunni sinni heima notar hann nettari festingar og hvílijárnið kemst því venjulega mun nær.
En til að líta á björtu hliðarnar var þetta fínasta áminning fyrir okkur hin.

Ágætis þátttaka var í marsáskoruninni, að renna og lita.
Mikið af áhugaverðum gripum og mjög mismunandi litaðir.
Nafn Leifs var dregið og fékk hann að launum páskaegg frá Andra.

Þetta var síðasti fundur fyrir sumarfrí en vorferðin okkar er á dagskrá í lok apríl.
Engilbert mun senda tölvupóst á félaga með nánari upplýsingum fljótlega.

Marsfundur verður hann haldinn í trésmíðadeild Fjölbrautaskólans í Breiðholti laugardaginn 28. mars kl. 10 árdegis.
Heimilisfang: Hraunberg 8 (FB Smiðja á Google Maps), eins og á síðustu fundum er gengið inn bakatil, hjá leikskólanum.

Minni á að framkvæmdir standa yfir við trésmíðadeildina og félagar gætu þurft að nýta önnur bílastæði í nærumhverfinu. Athugið þó að gjaldskylda er við bílastæði Heilsugæslunnar.

Eric kemur og sýnir okkur mjög áhugavert samlímingarverkefni.

Marsáskorun er eitthvað rennt og litað.
Það verður gaman að sjá litrík verkefni á þessum síðasta fundi vorsins.

Allt áhugafólk um trérennsli er velkomið svo takið endilega með ykkur gesti og/eða látið aðra vita af fundinum.
Komið endilega með það sem þið hafið verið að renna undanfarið, líka það sem er ótengt áskorunum.
Kaffi, spjall og góður félagsskapur að vanda.

Það var húsfyllir á aukafundi félagsins, vegna komu hins írska Glenn Lucas.
Heimsókn þessi hafði góðan aðdraganda.
Ákveðið var á stjórnarfundi haustið 2024 að fá erlendan gest af tilefni 30 ára afmælis félagsins, árið 2025. Glenn Lucas tók vel í hugmyndina og marsmánuður ákveðinn.
Kom svo í ljós að það var mars 2026, en ekki 2025, en námskeið hjá honum eru bókuð langt fram í tímann og allt skipulag eftir því. En það kom ekki að sök!

Mikil ánægja var meðal félaga með sýnikennsluna en um 70 manns mættu og fylgdust með.
Glenn byrjaði á að varpa á tjaldið nokkrum myndum á meðan hann sagði frá sinni sögu; skálaframleiðslu, sérverkefnum, námskeiðum, rennijárnum, kennslumyndböndum, fjarkennslu í covid og ýmsu fleira.
Svo renndi hann ´Dublin viking bowl´ á meðan hann gaf góð ráð. Hafsjór fróðleiks og frábær sýnikennari.

Eftir fundinn keyrði Örn svo með hjónin Glenn og Corneliu norður á Akureyri. Önnur sýnikennsla fór þar fram á sunnudeginum, fyrir um 40 manns.

Hér eru nokkrar myndir frá fundinum, ljósmyndari er ungur áhugaljósmyndari og sonur formanns: Andri Þeyr Andrason
-Fleiri myndir hér-

Glenn Lucas kemur og verður með sýnikennslu við rennibekkinn.
Laugardagur: Reykjavík
Sunnudagur: Akureyri
Glenn er sérfræðingur í skilvirkni og tækni í öllu tengdu rennsli. Síðan 1995 hefur hann rennt og selt skálar í massavís ásamt því að hafa rekið sinn eigin skóla (Woodturning Study Centre) síðan 2007. Þangað kemur fólk alls staðar að úr heiminum og sækir námskeið í trérennsli.
Þetta er því einstakt tækifæri til að læra af einum virtasta trérennismið okkar tíma.
Nánar um Glenn á heimasíðu hans: GlennLucas.com

Kíkið endilega á eftirfarandi myndbönd frá Glenn, þar sem áhorfendur geta skyggnst inn í daglegt líf atvinnu-trérennismiðsins.
A Woodturners Life with Glenn Lucas - Episode 1
A Woodturners Life with Glenn Lucas - Episode 2
A Woodturners Life with Glenn Lucas - Episode 3
A Woodturners Life with Glenn Lucas - Episode 4
A Woodturners Life with Glenn Lucas - Episode 5
A Woodturners Life with Glenn Lucas - Episode 6

Athugið að þessi aukafundur er aðeins fyrir félaga.
Áhugasamir geta skráð sig í félagið á staðnum.
Félögum er velkomið að taka myndir á sýnikennslunni en Glenn biður okkur að taka ekki myndbönd. Fundurinn verður því hvorki tekinn upp né sendur út í streymi.

Aukafundurinn í Reykjavík verður haldinn í trésmíðadeild Fjölbrautaskólans í Breiðholti laugardaginn 14. mars kl. 10 árdegis.
Heimilisfang: Hraunberg 8 (FB Smiðja á Google Maps)
Minni á að framkvæmdir standa yfir við trésmíðadeildina og félagar gætu þurft að nýta önnur bílastæði í nærumhverfinu. Athugið þó að gjaldskylda er við bílastæði Heilsugæslunnar.
Innangur er að aftanverðu, eins og á síðustu 2 fundum.

Á sunnudeginum 15. mars verður Glenn með sýnikennslu í Verkmenntaskólanum á Akureyri, kl. 10 árdegis.

Kaffiveitingar í boði félagsins.

Marsáskorunin er eitthvað rennt og litað.
Félagar sem taka þátt og mæta með áskorunarverkefni fá nafnið sitt í pott og vinningshafi fær óvæntan glaðning.

Aðalfundur félagsins verður hann haldinn í trésmíðadeild Fjölbrautaskólans í Breiðholti laugardaginn 28. febrúar kl. 10 árdegis.
Heimilisfang: Hraunberg 8 (FB Smiðja á Google Maps)

Minni á að framkvæmdir standa yfir við trésmíðadeildina og félagar gætu þurft að nýta önnur bílastæði í nærumhverfinu. 
Athugið þó að gjaldskylda er við bílastæði Heilsugæslunnar. Nokkrir félagar fengu því miður að komast að því á síðasta fundi.

Hefðbundin aðalfundarstörf verða á dagskrá:
• Skýrsla stjórnar.
• Lagðir fram endurskoðaðir reikningar.
• Lagabreytingar ef einhverjar eru.
• Kosningar stjórnar og nefnda.
• Ákvörðun félagsgjalda.
• Önnur mál.

og svo vonandi smávegis fræðsla að hætti hússins líka.

Febrúaráskorun er skál.
Mjög opið viðfangsefni svo vonandi fáum við að sjá metþátttöku á fundinum.

Kaffi, spjall og góður félagsskapur að vanda.

Febrúaráskorunin er skál.
Allir sem taka þátt og mæta með áskorunarverkefni fá nafnið sitt í pott og vinningshafi fær óvæntan glaðning.

Því miður virðist upptaka af fundi hafa misfarist, en henni verður bætt inn ef það finnst lausn/lagfæring.

Örn bað félaga að taka laugardaginn 14. mars frá, en þá verður aukafundur vegna komu Glenn Lucas.
Meira um það þegar nær dregur.
Nánar um Glenn hér.

Andri sýndi Woodcut Bowlsaver, sem sker efni innan úr skálaefni, til að nýta hráefnið betur.
Innflutt skálaefni úr birki varð fyrir valinu og úr varð efni í tvær skálar.

Muggi brýnslumeistari fór svo yfir brýnslu rennijárna á Tormek.

17 félagar tóku þátt í janúaráskorun, sem var að renna eitthvað úr tveimur viðartegundum.
Fjölbreyttir og skemmtilegir gripir, t.d. lampar, vasar, kaffibollar, skálar, kertastjakar, klukka og fleira.
Nafn Engilberts var dregið og fékk hann að launum skálaefnið sem unnið var fyrr á fundinum.

Hér eru svo myndir frá fundinum:

Næsti fundur verður laugardaginn 28. febrúar.